Fabris Marsac quhet turisti francez, i cili ishte duke udhëtuar së bashku me bashkëshorten e tij në aksin Bestrov-Vlorë, ku u përplasën nga një automjet pasditen e sotme.
Mjeti drejtohej nga 24-vjeçari Kristi Dano, i cili është shoqëruar në komisariat pas ngjarjes së rëndë.
Fatkeqësisht, turistja franceze nuk mund t’iu mbijetonte plagëve, ndërsa Fabris Marsac ndodhet në spital në gjendje të rëndë për jetën.
Njoftimi:
Vlorë/Informacion paraprak
Rreth orës 15:20, në aksin rrugor Bestrov-Vlorë, automjeti me drejtues shtetasin K. D., 24 vjeç, banues në fshatin Oshtimë, Vlorë, ka aksidentuar 2 shtetas francezë (bashkëshortë), që udhëtonin me 2 biçikleta.
Si pasojë e aksidentit ka ndërruar jetë shtetasja franceze V. K., 51 vjeçe, ndërsa bashkëshorti i saj shtetasi F. M., 47 vjeç, ndodhet në spitalin e Vlorës, nën kujdesin e mjekëve.
Drejtuesi i automjetit, shtetasi K. D., u shoqërua në Komisariat, për veprime të mëtejshme.
Në vendngjarje ndodhet grupi hetimor, i cili po punon për sqarimin e plotë të rrethanave të aksidentit.
